Ferli útflutningskerfis

Ferill útflutningskerfis

Venjulegur ferill útflutningskerfis er að notandi stofni sölupöntun þar sem hann skráir upplýsingar um viðskiptamann og þær vörur sem verið er að selja (framleiðanda, verðmæti og magn).

Notandi getur skráð sérstakar upplýsingar um afhendingu sem erfist í útflutningsskjalið við afritun sölupöntunar með því að fara undir aðgerðina „Opna útfl. forsendur“ og opna þar glugga fyrir útflutnings sölugögn viðkomandi pöntunar.

Þegar notandi hefur lokið við skráningu sölupöntunar getur hann strax farið í að útbúa útflutningaskýrslu hvort sem hann hefur skráð auka upplýsingar í útfl. forsendu gluggann eða ekki.

Aðgerðin „Afritun“ býður notanda uppá að afrita Pöntun, Reikning og bókaða reikninga inn í útflutningskerfið, bæði línur og haus.

Eftir afritun þá þarf notandi að fara yfir upplýsingar, bæta við upplýsingar ef þess þarf og reikna FOB verð (aðgerðin „Dreifa kostnaði“ eða prenta tollskýrslu). Þegar allt er tilbúið í útfl. kerfinu þá þarf að senda þessar upplýsinar til tolls en það er gert með því að velja aðgerðina „Senda EDI“. Útflutningskerfið breytir þá upplýsingum um EDI stöðu úr „Í Vinnslu“ í „Sent“.

Svarskeyti frá tollinum eru sótt með því að velja aðgerðina „Sækja EDI svör“ og breytist þá EDI staða viðkomandi tollskýrslu sem svarið á við um eftir eðli svars. Þegar tollskýrsla er komin með stöðuna „Afhendingarheimild“ eða „Skuldfærsla“ þá er tollurinn búinn að samþykkja þennan útflutning.

Ferill WiseFish notanda er örlítið frábrugðin þessum sem lýst er í þessum kafla. Til þess að lesa meira um útflutningsferil WiseFish smelltu hér.

EDI Samskipti

EDI kerfið sér um rafrænar skeytasendingar milli Útflutningskerfi WiseFish og Tollkerfis hjá Skattinum.

Útflytjandi þarf að sækja um leyfi til rafrænnar tollafgreiðslu hjá Skattinum. EDI þýðandi tekur síðan rafrænt á móti EDI skeytum úr Business Central í gegnum vefþjónustu.

Fyrir nánari upplýsingar um uppsetningu EDI samskipta hafið samband við WiseFish Ráðgjafa.